Білім алу адамдардың әлеуметтік-экономикалық жағдайын жақсартудың негізін қалайды және кедейліктен шығудың жолын қамтамасыз етуге шешуші рөл атқарады. Соңғы онжылдықта білімге қолжетімділікті кеңейту және барлық деңгейлерде, атап айтқанда қыздарға арналған мектепте оқумен қамтуды арттыру саласында айтарлықтай жетістіктерге қол жеткізілді

Міндеттер:

• 2030 жылға дейін барлық әйелдер мен еркектерді қымбат емес және сапалы кәсіптік-техникалық және жоғарғы біліммен, соның ішінде университеттік біліммен қамтамасыз ету
• 2030 жылға дейін талап етілетін машыққа, атап айтқанда жұмысқа орналасу, лайықты жұмысқа ие болу және кәсіптік қызметпен айналысу үшін кәсіптік-техникалық машыққа ие жас және ересек адамдардың мөлшерін анағұрлым ұлғайту

Гендерлік теңдік адамның негізгі құқықтарының бірі ғана емес, сонымен бірге бейбітшілікке, өркендеуге және тұрақты дамуға қол жеткізу үшін қажетті негіз болып табылады. Соңғы онжылдықта қол жеткізілген прогресс: мектепке көбірек қыздар бара бастады, ерте некеге тұруға мәжбүр болған қыздар аз, парламентте жұмыс істейтін және басшылық лауазымдардағы әйелдер саны артып келеді және гендерлік теңдікті қамтамасыз ету үшін заң реформасы жүргізілуде.

Міндеттер:

• Әйелдер мен қыздарға қатысты кемсітушіліктің барлық нысандарын жаппай жою
• Әйелдердің жан жақты және шынайы қатысуын және олар үшін саяси, экономикалық және қоғамдық өмірдегі шешім қабылдаудың барлық деңгейіндегі көшбасшылық үшін бірдей мүмкіндікке ие болуын қамтамасыз ету

Тұрақты және толық қамтылған экономикалық өсу прогреске ықпал ете алады, барлығына лайықты жұмыс орындарын құра алады және өмір сүру деңгейін жақсартады.

Міндеттер:

• Өндірістік қызметке, лайықты жұмыс орындарын құруға, кәсіпкерлікке, шығармашылыққа және инновациялық қызметке ықпал ететін дамуға бейімделген саясатты жүргізуге жәрдемдесу және қаржылық қызметтерге қолжетімділікті ұсыну арқылы микро, шағын және орташа кәсіпорындардың ресми танылуы мен дамуын көтермелеу
• Толық мерзім барысында 2030 жылдың соңына дейінгі тұтыну және өндіріс жүйелерінде ресурстарды пайдаланудың жаһандық тиімділігін біртіндеп арттыру және экономиканың өсуі қоршаған ортаның нашарлатпауына ұмтылу, бұл тұтыну мен өндірістің ұтымды үлгілерін пайдалануға көшу жөніндегі Онжылдық іс-қимыл стратегиясында көзделгендей, бұған бірінші болып дамыған елдер қол жеткізуі тиіс.

Барлығын қамтитын және тұрақты индустрияландыру инновациялар мен инфрақұрылыммен қатар жұмыспен қамту мен кірісті қалыптастыратын серпінді және бәсекеге қабілетті экономикалық күштерді босата алады. Олар жаңа технологияларды енгізу мен ілгерілетуде, халықаралық сауданы ілгерілетуде және ресурстарды тиімді пайдалануды қамтамасыз етуде шешуші рөл атқарады.

Инновациялар мен технологиялық прогресс ресурстарды пайдалану тиімділігі мен энергия тиімділігін арттыру сияқты экономикалық және экологиялық мәселелердің ұзақ мерзімді шешімдерін табуда маңызды. Бүкіл әлемде ғылыми зерттеулер мен әзірлемелерге (ҒЗТКЖ) инвестициялар көлемі ЖІӨ пайызымен 2000 жылғы 1,5% - дан 2015 жылы 1,7% - ға дейін өсті және 2017 жылы іс жүзінде өзгерген жоқ, алайда дамушы өңірлерде ол тек 1% - дан аз болды.


Міндеттер:

• Барлық елдерде, әсіресе дамушы елдерде ғылыми зерттеулерді жандандыру, өнеркәсіптік секторлардың технологиялық әлеуетін өсіру, соның ішінде 2030 жылға қарай инновациялық қызметті ынталандыру және ғылыми-зерттеу және тәжірибелік-конструкторлық жұмыстар саласында (ҒЗТКЖ) 1 миллион адамға есептегенде жұмыскерлер санын, сондай-ақ ҒЗТКЖ-ға мемлекеттік және жеке шығыстарды едәуір арттыру арқылы
• Дамушы елдердегі отандық технологиялар саласындағы әзірлемелерді, зерттеулерді және инновацияларды, соның ішінде, атап айтқанда өнеркәсіпті әртараптандыруға және шикізат салаларындағы қосылған құнды ұлғайтуға қолайлы жағдай туғызатын саяси климатты жасау арқылы қолдау

Әлем күннен күнге урбанизациялануда. 2007 жылдан бастап әлем халқының жартысынан көбі қалаларда тұрады және бұл үлес 2030 жылға қарай 60% - ға дейін өседі деп болжануда.

Міндеттер:

• Ұлттық және өңірлің дамытуды жоспарлау сапасын арттыру негізінде қалалық, қала маңындағы және ауылдық аудандар арасындағы жағымды экономикалық, әлеуметтік және экологиялық байланыстарды қолдау
• 2020 жылға қарай әлеуметтік кедергілерді жоюға, ресуртарды пайдалану тиімділігін арттыруға, климаттың өзгеру нәтижелерін жұмсартуға, оның өзгерісіне бейімделуге және табиғи апаттарға қарсы тұру қабілеттілігіне бағытталған, кешенді стратегиялар мен жоспарларды қабылдаған және жүзеге асыратын қалалар мен елді мекендердің сандарын едәуір ұлғайту және 2015-2030 жылдар бойынша апаттардың пайда болу қаупін төмендету бойынша Сендай негіздемелік бағдарламасына сәйкес барлық деңгейдегі апаттармен байланысты туындайтын қауіп-қатерлерді кешенді басқару бойынша шараларды әзірлеу және енгізу

ТДМ берік жаһандық серіктестік пен ынтымақтастық жағдайында ғана іске асырылуы мүмкін.
Тұрақты даму саласындағы күн тәртібін табысты іске асыру адамдар мен планетаның мүдделерін қанағаттандыруға бағытталған қағидаттар мен құндылықтарға, ортақ көзқарас пен ортақ мақсаттарға негізделген жан-жақты серіктестік қатынастарды жаһандық, өңірлік және жергілікті деңгейлерде жолға қоймай мүмкін емес.


Міндеттер:

• Барлық елдерге, әсіресе дамушы елдерде тұрақты даму саласындағы мақсаттарға жетуді қолдау үшін білім, тәжірибе, технологиялар мен қаржылық қорларды жұмылдыратын және тарататын көптеген мүдделі тараптардың қатысуымен толықтырылатын тұрақты даму мүддесіндегі Ғаламдық серіктестікті нығайту.
• Серіктестердің қорларын пайдалану тәжірибесіне және стратегияларына сүйене отырып, мемлекеттік ұйымдар арасындағы, мемлекеттік және жеке секторлар арасындағы және азаматтық қоғам ұйымдары арасындағы тиімді серіктестікті ынталандыру және мадақтау